გახსენით ფარდა,
ნუთუ ჩემს გარდა, სხვებიც თამაშობს
ამ პიესაში ვინმე სხვაცაა?
ვინაა ვარდი, ან ვინ ანაშობს,
ვინ სერაფიტას მწვანე ზღვაცაა...
გადამეკლაკნა სულში ობობა,
მთელი ცხოვრება მსახიობობა?...
თუ თეატრია მთელი სამყარო,
პერსონაჟები ჩვენა ვართ მაში,
მაშ ხომ ყვავილნი უნდა მაყარო,
ღმერთო, მითხარი, სადაა ტაში?!
თუ ცხოვრების გზის ჩვენ ვართ მხატვრები,
და კიბეები, ჩვენი, ხატია,
მაშინ ეულად როცა დავთვრები
ისიც ხომ ჩემი დასახატია?
-თურმე ვყოფილვარ ცერბერი, მითრა,
მათ აღსაწერად მინდა მონობა,
რატომ არაა ღმერთო პალიტრა?
ხალხს დავანახო მე დრაკონობა...
მინდოდა მხოლოდ ლექსების წერა,
და არაფერი მე ამის გარდა,
მე გადავწყვიტე ფანქრით მეწერა,
ცხოვრებას ვიწყებ, გახსენით ფარდა!
|
